【鐵人告別】效忠22年 泰利季尾官宣落車

作者:Flower    發表日期:2017-05-31 17:32:02

即上英超刨績王:http://win.on.cc/epl 

車路士於官方網頁宣布,隊長泰利季尾將會正式離隊,告別22年車仔生涯。呢名球會史上最成功隊長,曾經為球隊捧走14個大賽獎盃,當中包括4次英超冠軍,5次英足盃錦標,以及1次歐聯獎盃。泰利話今次離開唔代表退休,將會繼續球員生涯;車仔就表示未來隨時歡迎呢位鐵血隊長回歸,將球隊擔任其他職務。

泰利於車仔官網表示:「22年過後,我真係有好多說話要講, 亦有太多人我要多謝,我所遇過嘅領隊、隊友、職員以及所有球迷,好多謝你哋咁多年來嘅支持。於適當時候,我會決定自己去向,但到目前為止,最希望就係今季,可以為車仔帶來更多冠軍。我不時都去考量,幾時先適合離開,我同球會都認為,今季尾係最好時間。我依然仍為自己於場上有好大貢獻,但我知道於車仔機會將愈來愈少,所以我會去另一間球會尋求新挑戰。當然,我餘生都會係車路士球迷,而車仔嘅粉絲係全世界最好嘅,我每一個為球隊取得嘅冠軍,都係同球迷們一齊攞到嘅,冇佢哋,車路士唔會咁成功。我由衷多謝球迷一直嘅支持。」

車路士總監MARINA GRANOVSKAIA就表示,未來歡迎泰利回來:「泰利咁多年來為車仔鞠躬盡瘁,喺佢帶領下,車路士成為一支世界級勁旅,佢係我哋嘅隊長、領袖以及傳奇,球會每一個人都對佢非常敬重,未來佢幾時想返嚟,車仔都一樣歡迎。」

東網體育同你追實體壇每個精彩時刻! 
http://bit.ly/2ecTF2A 


本文來源:http://hk.on.cc/hk/bkn/cnt/sport/20170418/bkn-20170418004059102-0418_00882_001.html




Tag:
本文鏈接:http://www.solarmodulecell.com/9472.html