社區盃 傑志東方龍獅為慈善再鍊過

作者:Claudia    發表日期:2017-09-23 03:18:02

收看直播,請按直播ICON,或按下面鏈結:http://tv.on.cc/live 
「HKJC Junior Reporters」YouTube :https://goo.gl/Zjm1YQ 

「2017香港賽馬會社區盃」周六(23日)假旺角大球場上演「3料娛樂」,主賽下午5時30分上演,由傑志對東方龍獅。傑志希望打破球隊近3年的社區盃「不勝荒」,東方龍獅則希望藉勝利重振士氣。主賽前加插的「2017香港賽馬會女子青少年社區盃」及「雷神邀請隊」對「桂神邀請隊」表演賽,東網聯同「香港賽馬會青少年體育記者培訓計劃」為3場賽事提供直播,屆時觀眾可於東網或到「HKJC Junior Sports Reporters」的YOUTUBE頻道收看。

朱志光:落柯打破不勝荒

在港超聯2勝1和得7分的傑志,目前與香港飛馬及和富大埔同分,計算3隊對賽成績後以較佳得失球暫居榜首。儘管球隊過往3屆均未能捧社區盃,主教練朱志光強調非常重視這項賽事︰「呢個始終係一個盃賽,我哋會盡力去應付,唔會話因為盃賽冇咁重要而放棄。過去幾屆聯賽同盃賽,東方都係我哋主要對手,雖然佢哋季初唔係好順,但東方龍獅始終係東方龍獅,佢哋嘅人腳好好,可能係發揮上問題,我唔會喺呢個時候睇低佢哋。」
雖然「朱Sir」暗示球隊陣容或會作出調整,為將來應付本地及亞洲賽兩條戰線作準備,但他亦表示有一定準則去決定正選陣容:「呢兩日練波我都有睇球員點去配合隊波,始終踢波好講求球員之間嘅配合。」

司徒Sir:季初唔順輸自己

今季在港超揭幕戰僅以0比1不敵傑志的東方龍獅,隨後兩仗先後輸給和富大埔及理文,目前在聯賽排尾二位置。主教練司徒文俊表示球隊的問題並不在於球員能力,而是由去季累積下來的陋習:「球隊面對對手反擊前同後都做得唔好,其實問題上年都有,季前集訓時都有類似情況,但當時做得好啲。佢哋面對壓力又想爭取好成績,急於進攻變相令防範反擊做得唔好,所以球員要喺心理質素方面調整吓。」

傷兵方面,東方龍獅除了李康廉完成手術仍在養傷外,「司徒Sir」透露上仗對理文踢足90分鐘的沙巴賽後感到有點痛楚,今仗上陣機會僅得一半,洛迪古斯的傷勢亦有進展,有望於之後兩仗當後備。

香港賽馬會社區盃連續4年由香港賽馬會冠名贊助,今屆賽事冠、亞軍分獲25萬港元及10萬港元獎金。至於冠、亞軍隊伍自行選定的慈善團體,亦可獲10萬及5萬港元的捐款,以及賽事門票淨收益的百分之二十。本屆的受惠團體分別是由傑志選定的基督教聯合醫院及東方龍獅選定的博愛醫院。


本文來源:http://hk.on.cc/hk/bkn/cnt/sport/20170923/bkn-20170923000029471-0923_00882_001.html




Tag:
本文鏈接:http://www.solarmodulecell.com/27613.html