歐聯 作客僅輸照晉級 連續4季踢走馬體會

作者:catherine    發表日期:2017-06-02 09:50:02

皇馬再剋馬體會!呢兩支西甲馬德里市宿敵今晨再喺歐聯4強次回合碰頭,首回合作客輸咗0比3嘅馬體會,雖然今次返到主場,成功以2比1贏波攞番個彩,可惜係總比數依然輸2比4,連續4屆喺歐聯被皇馬踢出局!「銀河艦隊」殺入決賽後,會喺下月4日於加的夫同祖雲達斯爭冠軍,力爭佢哋歷來第12次歐聯錦標!

決心復仇嘅馬體會,今場甫開賽就展現決大決心,去到13分鐘更憑沙奧尼古斯接應角球頂入領先。3分鐘後,馬體會前鋒費蘭度托利斯殺入禁區被踢跌,博得12碼,由基沙文操刀一針見血,領先到2比0。眼見重燃起晉級希望,馬體會氣勢相當強勁,可惜係臨完半場前,皇馬一次左路進攻,由賓施馬1個扭3個底線傳中,卻奧斯離門12碼撞射被救出,再由伏兵門前的艾斯高補中,皇馬追番成1比2,仲因為呢個作客入球,重新攞番晉級優勢。

換邊後皇馬加強防守,馬體會嘅球員亦稍見洩氣,加上包括恩歷克卡拉斯高同基沙文嘅連番射門,都逃唔過皇馬門將基羅拿華斯嘅十指關。至於首回合大演帽子戲法嘅「銀河艦隊」首席球星C朗拿度,今場又冇乜表現,只係試過下半場食詐胡,最終皇馬以1比2落敗,兩回合計仲贏4比2,再次殺入決賽。

東網體育同你追實體壇每個精彩時刻! 
http://bit.ly/2ecTF2A 


本文來源:http://hk.on.cc/hk/bkn/cnt/sport/20170511/bkn-20170511043920273-0511_00882_001.html




Tag:
本文鏈接:http://www.solarmodulecell.com/10499.html